Haurtzaroaren psikologia / Henri Wallon ; Elena Herrán Izagirre (arg.)

Henri Wallonek erabateko ekarpena egin dio haurtzaroaren psikologiari. Aldi berean ikuspegi genetiko eta dialektikotik haurraren bilakaera bermatzen duten faktoreen eta jaiotzetik bertatik bilakatzen diren uneen inguruko ezagutza zabala eta sakona zehaztu izan du. Wallonen ekarpena ezagutzeak, haur txikia hobeto ulertzearekin batera, bere garapenari begira haurra hazten den testuinguruaren garrantziaz ohartzea dakar. Izatez, haurraren garapen maila beti ere unean uneko bere gaitasunak, bere testuinguruak eta testuinguruarekin berarekin harremanak sortzeko gaitasunak baldintzatzen dutela erakutsi digu egile honek. Wallonen psikologiari euskaraz egindako hurbilpen xume bat baino ez da liburu hau. Berak idatzitako zortzi artikulu biltzen ditu, haurtzaroaren psikologiaren berri era sistematizatu eta argian eskaintzeko asmotan. Bertan haurra eta bere bilakaera ulertzeko modua eraldatzen duten egilearen orijinaltasuna eta oparotasuna ere islatzen dira