Joanes : itxaropenaren semea / Alaitz Olaizola Borda

Joanesek, txiki-txikitatik, mundua ikusi, sentitu eta bizitzeko modu desberdina zeukan. Desberdina izateagatik, garesti ordaintzea suertatu zitzaion, bere helburu bakarra, zoriontsu eta itxaropentsu bizitzea baino izan ez bazen ere. Bizitzak min eman zion Joanesi, arauak eta legeak ez betetzeagatik, ez ezagutzeagatik. Bizitzak ematen zion mina arintze aldera, Joanesek bizitza eta eternitateari buruzko bere teoria propioa eratu zuen: "Oraingoan ez bada, hurrengoan izango da." Gizakiaren izate infinituaren aldeko apustua eginez jaio zen, errepikatuz biziko ginela benetan sinetsiz. Joanesek itxaropena zeukan, itxaropen amaigabea. Gizaki ororen nahia ez al litzateke izango txaropentsu bizitzea? Gainontzeko guztion ezkutuko nahi eta pentsamenduen bozeramailea izan zen Joanes, edo, eroa baino ez?

Egile nagusia:	Olaizola Borda, Alaitz
Argitaratua:	Bilbo : Euskaltzaindia ; Bilbao Bizkaia Kutxa Fundazioa, L.G. 2007
Generoa / Forma:	Helduentzako Literatura Antzerkia