Su-etenaren apustua / [egilea, Pello Urzelai]

"Su-etenaren apustua" liburua Euskal Herriaren aro berri baten hasieraren lekukotasuna da, "Euskaldunon Egunkaria"-ko lanean politika gertutik jarraitzen duen kazetari baten ikuspuntutik emana. Lizarra-Garaziko Akordioaren sinatzearekin hasi eta Udalbitzaren sorrerarekin amaitzen den urtebeteko ibilbide politikoa laburbildu du. Besteak beste ETAren su-eten mugagabea, indar abertzaleen arteko elkarlana eta naziogintza ardatz dituen aldi historiko honen gida-liburutzat har daiteke. Itsasaldi baten eguneroko gisa antolatuta, kronika eta gogoeta, narrazioa eta analisia, gertakari historikoak eta pasadizioak uztartu ditu egileak, atseginez irakurtzen den liburu batean.