Manuel Lasarte Iturria ondare / Iñaki Zubizarreta

"Ni naiz 1927. urteko 16. egunean jaio nintzana Leizako Franki baserrian. Gu zortzi senide ginan guztira, Frankin jaio ta azi giñanak; eta ni nintzan zortzietatik gazteena, ala bearrez norbaitek bear zuen-da. Nere aurreko arrebatxo bat an il zan, Joakina, zortzi urte zituelarik. Meningitis edo gaitz gogor batek menderatu zuen gaixoa. Beraz, zazpi senide gelditu giñan bizirik eta aurrera jarraitzeko geure gurasoekin Franki baserri zaarrean: Tomas, Juan, Jose Migel, Katalina, Migel Jose, Eusebio eta ni, Manuel." Manuelek gogoan ditu beti sortetxea eta bizitzako lehen urteak, oroiminez. "Gaztetasuna aspaldi pasa zitzaidan eta orain aurtzaroko ixtori politak gogoratzen zaizkit, Leitzako Franki baserrikoak, ain zuzen. Ure zoriontsuak antxe pasa bainituen, gutxi izan baziran ere."