Amets bikoitza : euskara zientifikotzea eta zientzia euskaratzea / [egileak] Jacinto Iturbe, Jesus Mari Txurruka ; Aitor Castañeda (arg.)

Hizkuntza minorizatuen panorama biziki interesgarria da zientziaren ikuspuntutik. Eta, are gehiago, zientzia bera hizkuntza gutxituren batean nola garatu daitekeen aztertzea. Liburu honek Euskal Herriko Unibertsitateko Zientzia (eta Teknologia) Fakultatean nola sartu zen kontatzen du, lekukotasun historikotik: Jacinto Iturbe eta Jesus Mari Txurruka doktoreen lekukotasunetatik hain zuzen, gure unibertsitatearen hastapenetatik zientzia enpirikoa euskaraz garatu eta landu zedila jardunbide izan zutenak. Ez da, beraz, eskasa liburu honek kontatzen duena: nola izan zen posible baztertua zegoen hizkuntza bat 60ko hamarkadatik hona epistemologia-bide bihurtzea? Hori da, besteak beste, Jacinto eta Jesus Mari ikertzaileen esperimentua: zientzia-zuhaitzaren enborrean euskal izerdia sartu, eta fruituak jasotzea. Hots, zientzia euskaraz egin, irakatsi eta zabaltzeko ametsa haragitu eta zabaltzea, Euskal Herriko Unibertsitatearen lemak agindu bezala. Euskal Herriko Unibertsitateak zientziaren arbola ikur gisa darabilen bitartean, edozein euskaltzalek irakurri beharreko obra dugu Jacinto eta Jesus Marirena: eman ta zabaltzekoa.