Logistika eta kudeaketa ibilgailu-lantegian [Interneteko baliabidea] / Argiñe Cámara Telleria, Urko Etxeberria Urretabizkaia

Flota handiak mantentzearen helburua arazo txikiak aurkitzea eta zuzentzea da, ibilgailuan kostu handiagoko matxurak eragin baino lehen. Hori dela eta, mantentze-plana ondo definitzea ezinbestekoa da. Azpimarratu behar da, enpresa bakoitzak berea izan behar duela, eta, mantentze-planak enpresaren beharretara egokitu behar duela eta ez enpresak mantentzearen beharretara. Mantentze-planak zehaztutako lanak edota konponketak egiteko, baita bezeroei zuzenean saltzeko ere, enpresek material eta ordezko pieza ugari behar dituzte. Horregatik, lantegiak ondo funtziona dezan, biltegia ondo kudeatu behar dugu. Pertsona edo talde batek mekanika- edo karrozeria-lantegi bat sortu nahi duenean, lehenik eta behin, enpresa horren helburu eta kostuen aurreazterketa bat egin beharko du. Ondoren, irekitze-gastuei aurre egiteko irabaziak nola lortu aztertu beharko du, baita lantegiko beste hainbat kosturi aurre nola egin ere: ura, argia, soldatak, seguruak, zergak...