Bai__ baina ez / Laura Mintegi

"Bai... baina ez" Laura Mintegi, Lizarrako bilboratuaren lehendabiziko nobela da, nahiz eta duela bi bat urte "Ilusioaren ordaina" ipuin liburua plazaratu zuen Donostiako argitaletxe batetan. Laura, bestalde, Bilbon ateratzen zen -eta jadanik enterratua dagoen- "Ttu-ttua" literatur aldizkariaren sortzailea duzue, ordudanik, egunak joan gauak etorri, bere talentoa zertan garatuko duen kolokan ipintzen diharduelarik: unibertsital irakasle ernegatuaren literaturako klaseak ematen ala malapatako idazketa eternaletan. Eskuartean daukazuen nobela honekin 1985eko XI. Azkue elaberri saria jaso zuen, bere kaleratzeak egundoko atzerapena nozitu izan duen arren liburudendataraino iritsi arte. Dena den, hementxe daukazu hain esperotako Lauraren liburua, non ezinezko amodio kondenatu baten istorioa kontatzen den, hizkera arin baina pausatuan, kontraesankor badirudi ere.