Robbie eta beste kontakizun batzuk / Isaac Asimov ; hitzaurrea, Paul Cornell ; oharrak eta jarduerak, María Raich, Juan Sanchez-Enciso ; itzulpena, Koro Navarro ; irudiak, David Shannon

Isaac Asimov idazle errusiar-iparramerikarra zientzia-fikzioko egile aipagarrienetako bat da, eta robotei buruzko kontakizunengatik da hain zuzen ere ospetsua. Asimovek bere obretan deskribatzen duen etorkizuneko hirian, robotak ez dira mehatxua gizakientzat; areago, gizakiaren zerbitzari leialak bihurtzen dira, inoiz haren gabezia afektiboak ere osatzen dituzte, eta halaxe gertatzen da "Robie" eta "Sally" ipuinetan. Multivac konputagailu erraldoiari buruzko kontakizunek, bestalde, galdera aztoragarri bat sorrarazten dute, ea konputagailu indartsu batek kontrolaturiko gizarte bat gauza ote den gizabanakoen jokamoldea aurreikusteko eta erregulatzeko. Asimoven irudimenaren emaitza besterik ez ote da etorkizunaren ikuspegi hori, edo, aitzitik, halaxe gerta litekeen errealitatea da? Irakurleak du hitza. Honako edizio hau David Shannon artista iparramerikarrak egindako irudi bikainez dago hornitua, eta, horrez gainera, hitzaurrea eta ohar argigarriak ditu, baita jarduera batzuk ere bukaeran, liburua ikuspegi literario, etiko eta soziologikotik aztertzen dutena.