Euskal Herrian erreferente diren pedagogoak / [koordinazioa, Joxe Mari Auzmendi, Hik Hasi]

Euskal Herriko ikastetxeetako eguneroko jardunean eragina duten 25 autoreren -pedagogoak, psikologoak, maisu-maistrak..- berri jasotzen da liburu honetan. Hezkuntzaren historian eragina izan duten eta uneotan ere ekarpenak egiten ari diren autoreen ideia nagusiak biltzen dira. Aniztasuna da nagusi autoreen artean, garai, toki, ildo pedagogiko... ezberdinetakoak baitira. Baina irizpide nagusi bat izan dugu iparrorratz beroiek hautatzean: Euskal Herriko ikastetxeetan momentu honetan egiten ari diren praktika pedagogikoan eragina izatea, kontzienteki edo inkontzienteki, inplizituki edo esplizituki, zuzenean edo zeharka...