"Nire eskua zurean" liburuaren fitxa didaktikoa [Interneteko baliabidea] / [egileak] Ainhoa Blanco Santiago, Mari Karmen Amundarain

Testuak ulertzea oinarrizko trebetasuna dugu eguneroko bizitzan eta ikaste- prozesuan. Prozesu hori ondo bete ezean, nekeza da gainerako materia eta edukiez jabetzea. Dena dela, maiz ohartzen gara ikasleek askotan testuak eta jarraibideak ulertzeko arazoak izaten dituztela. Beraz, hiru dira lortu beharreko helburuak: lehenengoa, ikasleak irakurle trebeak izatea, hots, zehaztasunez eta abiada egokian irakurtzea; bigarrena, irakurketa hori "kontzientea" izatea, hau da, ulertzeko eta hausnartzeko trebetasuna garatzea; hirugarrena, irakurketarako zaletasuna eta gogoa piztea. Horrek testurik egokienak -genero askotarikoak eta adin-tarteari egokituak- aukeratzea eskatzen du. Horregatik, DBHko 1. zikloko Euskara eta Literatura irakasgaian1 lantzeko, Mariasun Landaren "Nire eskua zurean" liburua aukeratu dugu, bertan ikasle horiengandik hurbil dauden emozio eta egoerak lantzen baitira, nerabe baten ikuspuntutik azalduta.