Euskal balenzaleak. Arrantzaleak ala kortsarioak? / Murgil Taldea

Hona hemen historia sail honen hirugarren zenbakia. Bildumaren helburuei jarraituz egileak saiatzen dira liburu honetan ere Euskal Herriko historiak duen kutsu mitiko eta morala baztertu eta gure iraganeren kontraesan nahiz klase-borrokak azaleratzen. XVI eta XVII. mendeetan bale monopolioa euskal eskutan dago. Ternua aldera egindako espedizioetan urtero 2000 euskaldunek hartzen dute parte. Baina hilkortasun handiko iharduera hartara ezinbestean dedikatzen ziren. Balenzaleak ez dira titanak, itsasoa lanbide duten gizonak baizik, egun bezala, itsasoaren jabetzagatiko borroka etengabeen nolabaiteko pairatzaileak. Gerrate-giro honek bultzatuta beren estatuen aldeko kortso-ekintzetan nahastuak aurkitzen ditugu maiz bale ehiztariak. Hain zuzen ere, euskal balenketaren galera Espainia eta Frantziaren politika inperialisten gainbeherari hertsiki lotua dago. Ingalaterra eta Holandako itsasgizonek beteko dute haien tokia.