Txerokiak denbora pasa / Joxe Ramon Zubimendi

Gizon bat desagertu da, eta Ikerman haren bila, batera eta bestera, hari-muturrari tiraka: baina, korapiloa askatu ordez, mataza nahastu: Txeroki komandoa eta bahiketa "metafisikoa", armairu barruko Lehendakaria, Espainiako informazio-zerbitzu nagusia eta ertzainen Barsa, Lazkaoko biblioteka eta Gero liburuaren bigarren zatia, kobrea eta polbora, Axular eta alkimia, Durangoko labirintoa eta Hendaiako gurutzea, Mendatako profeta eta munduaren bukaera, Aralarko kobazuloa eta Oteizaren eskultura, Gipuzkoako armarri ugaridun Nafarroako herrian ertzainak eta guardia zibilak elkarri tiroka...Horra hamaika korapilo-mataza: hamalau Ikerman zorabiatzeko adina! Izan ere, hariaren bi muturrak korapilo bat-berean tinko lotuta badaude, oso nekez askatzen da mataza.