Denok berdin, denok ezberdin [Interneteko baliabidea - Webgunea] / Gurutze Gisasola, Idoia Larrea, Bego Rodrigez

Proiektu honen bidez, Eskola Inklusiboaren kontzeptua errealitatera ekarri nahi izan dugu. Eskola Inklusiboa sarea da, eta sare honek hezkuntza-sistema berri bati eusten dio: amarauna norbanakook osatzen dugu. Aniztasun hori da, hain zuzen, landuko duguna. Sortutako "gizaki panpinak" eskolako errealitateak bildu ditu, eta haurrak ezaugarri horietaz jabetuko dira.Curriculumaren esperientzia-eremu guztiak hartu ditugu kontuan:• Norberaren ezaguera eta autonomia pertsonala• Ingurunearen ezaguera• Komunikazio eta adierazpena. Ekintza horien bidez, umeek hainbat trebetasun landuko dituzte: ahozko adierazpena (deskribapenak, narrazioak...), arte hezkuntza, sormena eta norberaren ezagutza. Azkenik, egindako panpinak gelatik kanpo aterako ditugu eskolarekin partekatzeko: umeek beste geletako ikaskideen aurrean azalduko dute panpina horrek zer errealitate islatzen duen, eta praktikan jarriko dituzte ikasitako trebetasunak.