Bola-jokoa [Interneteko baliabidea]

Orain dela gutxira arte, ohikoa zen gure herri eta auzoetan bola-jokoan aritzea. Ugariak ziren bolatokiak, eta jokatzeko ohitura handia zegoen. Azken boladan, berriz, bolatoki asko desagertu egin dira; beste kasu batzuetan urteko egun berezietan baino ez dira erabiltzen: jaietan, ez ohiko txapelketaren batean, edo erakustaldietan. Eskoletan edo inguruan halakorik baldin badago,animatu zaitezte erabiltzera. Material espezifikorik edo instalakuntzarik ez baldin badago, ez dago arazorik. Betiere, txirlo batzuk eskuratu edo egokitu daitezke eta, pilota edo baloi bat erabiliz, bola-jokoan hasteko aukera izango da. Joko hau erraz eraman daiteke eskolara, frontoian, gimnasioan edo kantxan egin daitekeen aktibitatea baita. Gainera, garatzen dituen gaitasunen aldetik ere oso interesgarria izan daiteke: kontzentrazioa, punteria, estrategia, indarra, etab.