Garapenaren psikologia [Interneteko baliabidea] / Izarne Lizaso Elgarresta

Garai batean garapenaren psikologiak arreta jartzen zuen bizi-zikloaren lehen aroetan (haurtzaroan eta nerabezaroan, alegia) gertatzen den garapenean, nerabezarotik aurrera garapen ontogenetikoan aztertua izatea merezi duen ezer gertatuko ez balitz bezala. Joan den mendeko seigarren hamarkadatik aurrera, ostera, egoera hori aldatzen hasi zen garapenaren psikologian funtsezko ekarpena egin duen "bizi-zikloa" delako ikuspegiari esker (besteak beste, Baltes eta Willis, 1978; Baltes, Cornelius eta Nesselroade, 1979). Ikuspegi horren arabera, garapena bizi garen artean gertatzen da; dimentsio askotakoa da; norabide askotakoa da; haren ezaugarri nagusietako bat plastikotasuna da; testuinguru historikoaren araberakoa da eta kausa askoren ondorio.