Kirol-entrenamenduaren oinarriak eta kontzeptuak / [egileak] Juan Manuel García Manso, Manuel Navarro Valdivieso, José Antonio Ruiz Caballero ; [itzultzailea, Elhuyar Fundazioa, Idoia Ormaetxea, Nahikari Gabilondo ; hizkuntza-begiralea, Genaro Gómez , begirale teknikoa, Aduna Badiola, Cristina Granados]

Kirol-errendimendu maximoa lortzea da kirolari guztien xedea, zeinahi mailatan dihardutela ere. Helburu hori lortzeko, lan-prozesu zorrotz bat bete behar dute; prozesu horri, hain zuzen ere, prestakuntza edo entrenamendu deitu ohi diogu. Eredu militarra gurera ekarriz, «kirol-estrategia» egoki bat prestatu beharra dago, kirol-errendimendu maximoa lortzeko -estrategiatzat hartuz unean-unean erabaki egokiena hartuko dela bermatzen duten arauen multzoa-. Kasu jakin guztietan, zabalak eta konplexuak izaten dira kirol-estrategia horretan bat egiten duten alderdi guztiak. Kirolaren munduan erabiltzen den hizkera arruntean ohikoa da «prestakuntza» eta «entrenamendu» hitzak ez bereiztea. Gure ikuspegitik, ordea, bi hitzak berdin-tsuak badira ere, badute eduki-mailako alderik, nahiz eta entrenamenduaren teorialari batzuek sinonimotzat jotzen dituzten. Matveiev-ek (1985), esate baterako, honela definitu zuen kirolariaren prestakuntza: «Alderdi anitzeko prozesu bat da, non faktore guztiak (baliabideak, metodoak, formak eta baldintzak) modu arrazionalean erabiltzen baitira, kirolariaren eboluzioan artezki eragiteko eta goi-mailako kirol-markak lortzearren beharrezkoa den gaitasun-maila ziurtatzeko». Kirola enpresaren ikuspegitik aztertuz gero, oinarrizko zortzi printzipio ezarri behar dizkiogu entrenamenduari: ekimena, langileen arteko elkartasuna, lan-banaketa, aginpidea eta erantzukizuna, diziplina, aginte-batasuna, zuzendaritza-batasuna (programa bakarra) eta zentralizazioa. Kirol-...

Deskribapen osoa