Bertso-tailerra [DBH] [Interneteko baliabidea]

Xumea izan nahi duen proposamen honek helburu garbia du: ahozko literaturaren atal bat, bertsolaritzarena hain zuzen, lantzea eta lan honen bitartez ahozko adierazmenak zein sormenak behar duten espazioa zabaltzea. Hizkuntza komunikaziorako tresnatzat hartu nahi bada, eskolan egoera komunikatiboak sortzea nahitaezkoa da. Egoera komunikatibo formalak zein ez-formalak ─ez formalean kokatu nahi dugu proposamen hau─ era ludiko eta aktiboan planteatu nahi ditugu. Ahozko adierazmena indartzeko, bertsoa aztertzea, sortzea eta kantatzea proposatzen dugu. Lan horren guztiaren bukaeran, bertso-saioa dago, eta ikasleek burututako bertsoak (haiek sortutako bertso idatziak) kantatuko dituzte.