Irakasleen hizkuntz eskakizunak : 2000ko azterketak / [hitzaurrea, Nekane Agirre Arregi, Hezkuntza Berriztatzeko zuzendaria]

Liburuska honekin zortzigarren urtez argitara ematen dira irakasleen hizkuntz eskakizunen azterketak. Datozen urteetan ere irakasle frankok egingo dituzte azterketa hauek, eta irakasle guzti horiengan pentsaturik argitaratzen dugu liburuska hau. Izan ere, etorkizuneko azterketari horiei baliagarri izango zaie benetako azterketak ezagutzea. 2000an, hain zuzen ere, hizkuntz eskakizunen hiru deialdi egin dira: horietariko bi itxiak izan dira, IRALEn liberatuta egon diren irakasleentzak eratuak. Hirugarrena, berriz, irekia, oposizioetara aurkezten ziren irakasleei egin zaie, eta bide batez, irakaskuntza publikoan jardunez, HE1 edo HE2 lortu nahi izan dutenei. Bi hizkuntz eskakizunez gain, HBLEM (Hezkuntza Bereziko Laguntzaileen Euskara Maila) azterketa ere egin da deialdi honetan. Hezkuntzako lan-kategoria berezi bati zuzendutako azterketa da. Liburu honetan bi material-mota aurki ditzakezue: a) Azterketa-materialak. Deialdi irekiko zein itxietako azterketa idatziak aurki daitezke hemen nagusiki, ahozko azterketen adibide batzuekin batera. b) Zuzenketarako irizpideak. Azterketak zuzentzeko erabili diren irizpide eta baremoak biltzen dira atal honetan.