Zer ote da arte garaikidea? / Txemi Valdecantos

Ikuslego zabal bati etsipena eragiten dion arterik badago, hori Arte Garaikidea da. Azken hamarkadetan eman diren eta ematen diren arte-sorkuntza ezberdinenganako hurbilketan arazo franko dauzkagula ukaezina da. Liburu honen xedea hurbilketa horri ekitea da, hain zuzen ere. Artearen berriztapen sakonaren jatorrietatik hasita, azken urteetako joeretarainoko bidea egin ahal izango du irakurleak, berritze horren zergaitiak eta garapena behingoz ulertzeko agian. Aipatu etsipena gainditzeko ahalegina da honenbestez, benetan gozagarria izan daitekeen mundu baten ateak itxita jarrai ez dezaten.