Quantum : Einstein, Bohr eta errealitatearen izaerari buruzko eztabaida handia / Manjit Kumar ; itzultzailea, Iñaki Iñurrieta Labaien ; zuzentzailea, Idoia Santamaria Urkaregi (Elhuyar Hizkuntza Zerbitzuak)

Manjit Kumar fisikan eta filosofian lizentziatua da, liburuak jorratzen dituen bi gai nagusietan, alegia. Drama, tragedia, irrika, ustekabeko gertaerak, ekintza heroikoak... ez da eduki zientifikoko edo dibulgazio zientifiko hutseko liburua, nahiz eta informazio asko dagoen mekanika kuantikoari buruz. Liburu historiko edo biografiko baten antzera antolatuta dago: pertsonaia (aditu) bakoitza zehatz azaltzen du, bakoitzaren izaerak eragina izan baitu aurkikuntzan. Planken kontserbadurismoak azpimarratu egiten du aurkikuntza; Pauliren adimena eta umore txarra erabakigarriak izan ziren; Bohrren irmotasuna eta lotsa, berriz, ezinbestekoak; Eisnteinen irudikapenak eta askatasunak polemika bizirik iraunarazi zuten, eta abar.