Ene Ondarru [Interneteko baliabidea] / Andoni Basterretxea

Don Andoni Basterretxearen liburu honek "Ene Ondarru" du izena, eta izana ere halaxe du: Ondarru. Ondarrun jaio, hazi, bizi, heldu eta ondu den jaun honen Ondarru duzu liburua. Urte batzuk hemendik kanpora pasatu baditu ere Don Andonik, ia bizitza osoa Ondarruren bueltan egin du gure gizonak. Beraren haurtzaroko eta gaztetako Ondarru duzu liburu honetakoa. Sarekonpontzaileen kantu-eskola ez da oraingoa; ordukoa da. Urtesasoin bakoitzaren arabera andreak hor kanta eta kanta, beren lantokia euskal-eskola bihurturik. Beste haren artazuritzaileak gogoratzen duo Ordukoak diren bezala sagardotegiak eta sagastiak eta sagar-Iapurrak. Ahoz-aho dabiltzan sorginkeriak ere ordukoak dira. Gaur bestelako sorgin batzuk ditu jendeak hizpide. Ikusiko duzun bezala, irakurle, gauza batzuk jaso egin ditu "Ene Ondarru" horretatik; baina beste batzuk sortu egin ditu. Hor aurkituko dituzu orduko gauza eta pertsona asko eta asko bertso politetan kantatuak, eta hitz labur eta zehatzetan kontatuak. Liburu honi muzin egingo dion ondarruarrik ez da jaio. Ez-eta jaioko ere.