Hezkuntzaren teoria eta praktika / Joseph D. Novak ; Iñaki Iñurrietak euskaratua ; itzulpenaren ardura eta zuzenketa, Lontxo Oihartzabal Rezola

Liburu honek hainbat hezkuntza-galderari erantzun nahi lieke, Minneapolisko eskola publikoetan ikasle nintzela eta helduaroko bizitzan zehar kezkatu nauten hanbat galderari alegia. Zergatik ikasten dute hain gutxi ikasleek? Zergatik dirudite eskolek hain eragingabe jendeari ikasten laguntzerakoan? Erantzun errazegiak ez zitzaizkidan baliozko iruditzen; esate batera, badirela ikasten saiatzen ez diren ikasleak eta irakasten saiatzen ez diren irakasleak. Zergatik daude ikasleak hain gutxi motibatuta ikasteko, eta zergatik dira hain eragin gutxikoak zenbait irakasle? Hezkuntza-ikerkuntza, irakaskuntzan, irakaslegoaren prestakuntzan eta curriculumaren garapenean emandako bi hamarkadek honako uste hau sendotu didate, alegia hezkuntza hobetzeko faktorerik garrantzitsuena hauxe dela, jendeak ikasteko moduaz ditugun gero eta ezagupen handiagoak kurrikulumari, irakaskuntzari eta ikasleak ikasten duen ingurunea prestatzeari aplikatzea, eta honek ikasmaterial oro hartzen du bere barne. Giza ikaskuntzaren prozesuari eta batez ere kontzeptuen ikaskuntzari buruzko interes hauxe da hemen aurkezten dudan hezkuntza-teoriarekiko kompromezuaren zioa.