Xakea / egilea, Xabier sarasua

Haur eta gaztetxoekin xakea lantzen duten hezitzaile eta monitoreentzako baliabide bokazioa du eskuan duzun materialak. Xakerako lehen hurbilpenerako prozesua progresio logiko baten barruan gauzatzeko lagungarri izan nahi du, beti ere, ikuspegi pedagogiko batetik eta haur nahiz gaztetxoen garapen bidean osagarri izan dadin.Lan honetan proposatzen diren azalpen eta ariketak haur edo gaztetxoei aurkezteko orduan, garrantzitsua da monitoreak bere azalpenak horien adin eta ezaugarriei egokitzea. Haurren kasuan, piezei nortasuna eta bizitza eman diezazkieke, esate baterako.Atal bakoitzean ariketa batzuk proposatzen ditugu, adibide gisara. Hezitzaile edo monitoreak, ordea, talde bakoitzaren garapen maila, ikaskuntza erritmo eta bestelako ezaugarrien arabera egokitu beharko ditu. Batetik, ematen diren adibideen antzerako ariketa gehiago eskain ditzake, beharrezkoak badira. Bestetik, ariketa mota bera lantzeko beharko duten denbora zehaztu beharkodu. Azkenik, aldiro egin beharreko errepikapen edota errepasoak ere aurreikusi beharko ditu.Amaitzeko, hezitzaileontzat bi aholku. Lehena, maila edo erritmo ezberdineko haurren izaera errespetatzen saia zaiteztela. Horretarako, taldetan banatuta lan egitea izan daiteke biderik onena. Bigarrena, saio bakoitzean ondorengo hau izandezazuela helburu nagusi: haurra hurrengo egunean berriz itzultzeko irrikaz joan dadila etxera.