Olibondoetatik apartheid hesira : (Palestinako gatazka. Okupazioa eta garbiketa etnikoa) / Juanma Sarasola Murgia "Xaun" ; [hitzaurrea, Thamer Birawi]

Olibondoa eta honetatik eratorritako olioa funtsezkoak dira palestinarren ekonomiarako. Olibondoa 6.000 urtetan landu dute Palestinan. Oliba olioa herrietako elikaduran oinarrizkoa da. Olibondoek Gazako eta Zisjordaniako lur landuen %40 baino gehiago betetzen dute. Palestinarrek "biziaren arbola" deitzen diote olibondoari, eta beraien ikur nazionaletako bat da. 2000ko irailean Bigarren Intifada lehertu zenetik, Israelgo Armadak eta kolono juduek ia 400.000 olibondo erauzi edota suntsituta 50 milioi euroko galerak eragin dizkiete palestinarrei. 1967ko Sei Eguneko Gerraz geroztik, berriz, milioi bat olibondo suntsitu dituzte. Palestinarren olibondoen kontrako eraso sistematikoa, batetik, eta "Apartheid Hesia", bestetik, izugarrizko hondamendi ekonomiko eta ingurumen arlokoa eragiten ari dira. Eskuartean duzun liburu honen bidez, Palestinako eremu zaharrean egun dauden errealitate eta egitasmoak (aro ezberdinetan okupatutako lurraldeak, Israelgo estatua, Bi Estatuen Aterabidea, Estatu Binazionalaren Aterabidea...), proiektu politikoak eta borrokak, frustrazioak eta ametsak islatzen saiatu naiz, gatazkako alde guzien ahotsa eta ikuspuntuak bilduta. Palestinara 1993an egin nuen bidaiaren kronika eta azken urteotan "Euskaldunon Egunkarian" eta "Berria"-n kaleratu ditudan erreportaje, artikulu eta elkarrizketak dira liburuaren oinarria. Gatazkaren historia eta hainbat idazle zein eragile politikoren analisiak (baita neunik idatzitakoak ere)...

Deskribapen osoa