Frida Kahlo / egilea, Ana Irigoien

XX. mendeko lehen erdiko artean emakume bakar batzuen izenak dauzkagu gogoan. Izen gutxi, seguruenera artista izateko aukera askorik ez zutelako izan. Gainera, artista izan arren horien lana ez da gehiegi zabaldu. Emakume horiek azken ehun urte hauetan errefentzi puntuak izan diren Europa eta Estatu Batuetatik kanpokoak badira, benetan harrigarria egiten da ezagunak izatera nola iritsi diren ikustea. Frida Kahlo emakume horietakoa da. Mexikon jaio, gaztetan istripu latza eduki, eta abangoardien mugimendu zalapartatsuak gertutik segitutakoa izaki, hurbil izan zituen arbola handien itzalek ez zuten txepeldu. Ezta bere osasun arazoek ere. Min fisiko eta espiritualarekiko obsesioa bere koadroetan islatzeak ez du bere bizitzaren alderdi bizia ezkutatu behar. Amodioa, grina eta sentitzearen intensitatea adierazten dituen kolorerik ez dago, horrela sentitu eta bizi izandako baten eskutikez badator.