Madame Doubtfire / Anne Fine ; itzultzailea, Iñaki Mendiguren

Daniel langabezian dagoen aktore bat da eta guraso dibortziatua, hiru seme-alabak ia ikusterik ere ez duen Miranda bere emazte ohiak mila traba eta eragozpen jartzen diolako. Halako batean, Mirandak neskame bat kontratatu nahi duela eta, ideia zoro eta xelebre bat du Danielek: emakumeaz mozorrotzea, lanpostu hori lortzeko. Hortxe jaiotzen da Madame Doubtfire, baina arazo guztien konponbidea zirudiena beste hainbat buruhauesteren iturri bihurtuko da, eta tartean mila gertaera barregarri sortuko.. Hala ere, irriarekin batera zer pentsatua ere emango dizu liburu honek. Anne Fine haur eta gazteentzako oso egile ezagun eta ospetsua da, bai Ingalaterran bai handik kanpo sari ugari eta irakurleen mirespena irabazten ari dena. Liburu honetan oinarrituta, izen bereko filme bat ere egin zen, Robin Williams protagonista zela, mundu osoan arrakasta handia lortu duena.