Manuel Iradier : Afrikako arimaren esploratzailea / Ramon Olasagasti Aiestaran ; argazkiak, Asociación Africanista Manuel Iradier]

Manuel Iradierren izena letra larriz idatzita dago euskal esploratzaileen zerrendan. 1854an jaio zen Gasteizen, Espainiako Valsainen hil zen 1911n. Afrikara egin zituen bi bidaiek eman zioten ospe gehien, baina gauza gehiago ere egin zituen. Ibilbide horrekin osatu dio biografia Ramon Olasagastik. Jakin-mina eta errenditu ezina, berezkoak zituen. Livingstone, Burke, Stanley eta abarren miraz, zuriunez betetako Afrikako mapa zen bere ametsen izara. 20 urte zituela, 1874an, emaztea eta koinata bidaide, Gineako golkora menturatu zen. Umezurtz erabateko, ez inoren eta ez inongo ordezkari. Eta aurrez beste inor baino barrurago sartu ze Muni ibaiaren lurraldean, ia hiru urteko bidaian.