Biblia : neska-mutikoei esana / Jose Ramon Saenz Uranga ; Xabier Mendigurenek egokitua eta euskaratua ; [ilustrazioak, Pilar Romo]

Liburu hau neska-mutikoei kontaturiko Biblia da, eta horregatik, Jainkoaren Hitza ezagutzeko hain interesgarriak ez diren pasarteak kendu egin zaizkio. Teknizismo eta literaturkeria guztietatik ihes egin dugu eta neska-mutikoen pentsakerara hurbiltzea beste kezkarik ez dugu izan, sarritan beraiek dituzten hitzegiteko erak erabiliz, ulergaitza den hitzaren ordez argibideak eskainiz, orrialdeetan zehar idea nagusienak behin eta berriz emanez... Jakina, lanik hoberena egin bagenu ere, Biblia sekula ez da bere osotasunean ulertzen nahiz eta hau bezalako laburpena izan inoren laguntzarik gabe. Pertsona nagusiren batek, orrialde hauei begiradaren bat ematean, harritzen bada zerbait osorik ez duelako ikusten edota, bere iritzian, azalpenak behar bezain sakonak ez direlako... haur bihur dadila, mesedez, eta berehala ohartuko da teologi ondorio guztiak ez direla beti ulertzeko modukoak gertatzen adin goiztiar hauetakontzat. Pablo Santuak esan zuenez: "Haurra nintzen bitartean, haurra bezala mintzatzen nintzen, haurrak bezala pentsatzen nuen, haurrak bezala arrazoitzen nuen. Orain gizona naiz, eta atzean utzi ditut haurkeriak".