Homeopatia eta akupuntura : geroaldiko medikuntzak? / [testugilea] Xabier Ibarburu

Gizarte garaikideko medikuntza paregabeko desafio baten aurrean aurkitzen da. Alde batetik, gero eta bitarteko baliotsu eta indartsuagoak ditu eskutartean gaixotasunei aurre egiteko, baina bestetik, gero eta urrunago azaltzen du bere burua gizakumearekiko. Gaurko medikuntza mekanizista bihurtu da, gizakia makina bezala ulertuz. Jarrera horren ondorioak berehalaxe azaldu dira. Gaixotasun konkretu bat sendatzen denean, ezezaguna den beste bat sortzen da, horren aurrean zer egin ez dakigula. Gaixotasun berri horien artean psikomatikoak gero eta ugariagoak dira. Homeopatiak eta Akupunturak gizakumearen osasun integrala lortu nahi dute, ez-erasotzaileak diren terapeutikoen bitartez. Liburu honetan bi sendabide horien berri ematen dizuegu, baita geroari begira medikuntza ortodoxarekin batera bete dezaketen jokabide garrantzitsua azaltzen. Gizakumea izaki konplexu eta integrala dela kontutan hartzen badugu, medikuntza alternatibo hauek gero eta garrantzi handiagoa izango dute aurrerantzean, nonbait, geroaldiko medikuntza moldatu arte.