Emon biar yako / Iñigo Aranbarri

60ko hamarkadako giro sozial eta politiko itogarrian, Julen Azkue editore eta inprimatzailea da pertsonaia nagusia. Eritasun berezi batek, anaia defuntuaren akorduak, insomnioak, maitasun harreman zail batek, sosegurik gabe trabatuta daukate eguneroko bizitzaren gurpilean. Julen Azkuek ezkutuko paketeak bidaltzen ditu Bilbora, tren geltokiko buru den Arronaren laguntzaz. Eta berriki premiazko lan bat agindu dio gainera Agustin Huitzik Donostiatik, isilpean egin beharrekoa: zentsuratik pasa gabe, gordeka, atzerrian idatzitako liburu bat ateratzea. Zubeldia zentsoreak, ordea, sarritan egiten dio bisita inprimategian. Koska bat estuago beti Azkueren bizimoduan. Libertatearen eta engaiamenduaren auzi etikoa dago isuria Iñigo Aranbarriren lehen nobela honetan.