Batxilerren eguna : gaztaroko hoben baten istorioa / Franz Werfel ; itzulpena, Juan Luis Agirre

Batxilerren eguna 1928koa da eta kutsu espresionista nabarmena dauka. Nerabeen arteko istorioa da eta egileak oso ondo islatzen du mende hasiera hartako giro itogarria. Krisi eta aldaketa garai hartan txertatzen du Werfelek kontakizuna: lizeoko ikasgela batean gizarte oso bat ispilatzen da eta austriar gizartean bezala ikasgelan ere gertatzen dira endekatze, gainbehera eta aldaketa garai haietako fenomenoberak. Ankerkeria eta erru istorioa da. Giza talde batek gizabanako baten, partaide baten suntsiketa lan isil eta gordinari ekiten dio: Adler gelako mutil azkarrena da, eta Sebastianek, bekaizti, ikaskideak bere ingurura bildu eta Adler barregarri utzi ondoan, turko-buru hartzen dute. Urteak igarota, Sebastian instrukzio-epaile bihurtzen da eta hara non Adler ekartzen dioten hilketa lazgarri baten susmagarri.Hobenak gain hartzen dio eta idatziz isurtzen du paperean hobenaren zama.