Haur hezkuntzarako ikastetxe curriculum proiektuak (0-3 urte)

Txosten honetan biltzen diren dokumentuak ikastetxe desberdinetako irakasle taldekideek egin dituzte. Zehazki, Gipuzkoako hiru udal haur eskoletako irakasle talde batzuk egindakoa denez, ezaugarri desberdinak dituzten hiru dokumentuz osaturik dago. Hiru dokumentu hauek udal haur eskolek Hezkuntza Sailak udalei zuzendutako deialdi batean parte hartzeko egin zituzten. Deialdi honetan parte hartzeko, udalek zero eta hiru urte bitarteko umeentzat zabaldutako udal haur eskoletako proiektuak aurkeztu zituzten. Txostenean lehenengo ziklorako Hezkuntza Proiektuak eta Curriculum Proiektuak aurkitzen dira. Zarautz eta Oiartzungo dokumentuetan helburuak eta edukiak adinaren arabera sailkatuta daude, zenbait koadro eta zerrenda biltzen direla. Irungo proiektuan erabaki zehatz ugari agertzen dira metodologia eta antolaketari buruz. Haur eta Lehen Hezkuntzari buruzko curriculuma eta eguneroko lana antolatzeko zenbait tresna eta adibide aurkitzen dira lan honetan.