Data-zarta [Mahai-jolasa] : Euskal Herriko historiaren denbora lerroa / [ilustrazioak, Eñaut Aiartzaguena Bravo ; eduki didaktikoak, Josu Narbarte Hernandez ; jolasaren eduki pedagogikoa, Amaia Egidazu Arrube eta Iñaki Sanz-Azkue]

Euskal Herriko historia ezagutu nahi? Kartaz karta irudikatu ditugun gertakari, pertsonaia eta objektuak noizkoak diren asmatzen joan beharko duzu, Euskal Herriko historiaren denbora-lerro ederra osatzeko... ondokoak baino lehenago. Eta kontuz, mahai gainean zenbat eta karta/gertakari gehiago egon, zailagoa izango duzu kokaleku egokia asmatzea! Josu Narbarte Hernandez arkeologoak (Nafarroako Unibertsitate Publikoan irakasle eta Aranzadi Zientzia Elkarteko kideak] hautatu eta kontatu ditu kartetan eta liburuxka honetan aurkituko dituzun gertakariak, ARGIAko lantaldearekin kontrastatuta. Euskal Herriko historia aberatsa bezain oparoa da, makina bat pasadizo, ikuspuntu eta ertz dituena; egin daitezkeen Euskal Herriko historiaren denbora-lerroetako bat da hau, beraz. Jolasaren bidez, gure historiaren hainbat pasarte deskubritzeko, ikasteko eta horietan sakontzeko aukera paregabea duzu "Data-zarta".