2023ko eta 2024ko Gabriel Aresti sariak : XL.- XLI. Bilbao Hiria Ipuin Lehiaketa

Bilboko Udaleko Kultura eta Hezkuntza Sailak, duela hiru hamarkada baino gehiagotik, Gabriel Aresti Ipuin Lehiaketa deitzen du idazle bilbotarraren omenez. Lehiaketa horrek bigarren helburu bat ere badu, literatur sorkuntza bultzatzea, hain zuzen ere. Liburu honetan biltzen dira 2023. eta 2024. urteetan irabazi zuten kontakizunak, Oihane Fernandez Mendia, Isidoro Calvo Lorenzo, Amaia Iturriotz Etxaniz, Amagoia Muxika Telleria, Maitane Perez Argote eta Oskar Azkona Garcia idazleen lanak. Euren literatur kalitatea ikusita, ipuin horiek argitaratzeak merezi izan du, literaturaren eta egile handi guztiek landu duten genero honen zaleen gozamenerako.