Otrantoko gaztelua / Horace Walpole ; egokitzailea eta itzultzailea, Aitor Arana

"Otrantoko gaztelua" idatzi zuenean, Walpolek bazekien ziur aski literatura genero berri bati -gotikoari, alegia- ateak irekitzen ari zela, eta bigarren argitalpenean, "eleberri gotikoa" azpi izenburua jarri zion. Narrazioa sorgindutako gaztelu batean eta inguru hurbilean garatzen da, mediebalismoa eta izuikara batzen dituen kontakizunaren bidez. Walpolek Strawberry Hill etxean izandako amesgaizto batean "armadura erraldoiz jantzitako mamu baten eskua" ikusi omen zuen, eta hura izan omen zen liburuaren ernamuina: Manfredo Otrantoko printzea da eta, madarikazio misteriotsu bati aurre eginez, kosta ahala kosta gaztelua bere ondorengoentzat gorde nahi du.