Xerezaderen artxiboa [Interneteko baliabidea - Webgunea] / [Ana Morales eta Jasone Larrinaga]

"Xerezaderen Artxiboa" literatura podcasta da euskaraz emana. Mota honetako euskarazko lehen podcasta da. Ana Morales eta Jasone Larrinagak ekoizten dute. Biak ala biak itzultzaileak dira eta podcast hauetarako hainbat ipuin eta literatura lan itzuli dituzte eta beste idazle klasikoren lanak eta itzultzaileenak ere jasotzen dituzte. Ana Moralesi bururatu zitzaion egiteko ideia, herrialde anglosaxoietako eredua jarraiki, eta euskaraz ere audioliburuen gisako proiektuen beharra zegoela ikusita. Bakarrik gauzatu ezin zuenez, EHUn lankide eta lagun zuen Jasone Larrinagaren laguntza jaso zuen, eta lagungarria izan zen, baita, bila ibili ostean, Bilbo Hiria Irratiak eskaintzea grabatu ahal izateko estudioa. Horrela 2011n hasi ziren martxan. Hainbat kolaboratzaile ere izan dituzte: esate baterako, hainbat saiotan laguntza emandako Saioa Gabikagojeaskoa edota saioren batean bakarrik parte hartukoak. Webgune propioan daude eskuragarri eta Bilbo Hiria Irratiaren web orrian ere argitaratzen dira.