Euskal Herria, heterodoxiatik / Xabier Zabaltza

Batzuk politikaren bidez saiatu dira Euskal Herria eraikitzen. Beste batzuk, bortizkeriaren bidez. Aro berri honetan, ezinbestean, euskararen eta euskal kulturaren bidez eraiki behar da. Ez Espainia, Frantzia eta Europaren kontra, haien barruan baizik. Ez lurraldetasunetik, errealitate instituzionala eta herritarren aukera nazional guztiekiko begirunetik baizik. Ortodoxia guztiek huts egin eta gero, heterodoxiaren garaia da. 1991tik 2024ra bitarte argitaraturiko 50 bat lan biltzen ditu liburu honek. Batzuk artikulu akademikoak dira, beste batzuk dibulgaziokoak, eta beste batzuk prentsakoak. Hiru atal bereizten dira: Euskal Herria, euskara eta beste hizkuntza batzuk, eta Agosti Xaho, euskaldun heterodoxo handia. Gehienetan serio, zenbaitetan umorez, guztietan bere ikuspegi original, zorrotz eta politikoki ez zuzena eskaintzen digu Xabier Zabaltza nafar historialari eta saiakera-egileak.