Euskal Hezkuntza Sistemarako Irakurketa Estrategia 2024-2027 [Interneteko baliabidea] : irakurle konpetenteak lortze bidean / Hezkuntza Saila

Hezkuntza Legean Oinarrizko Hezkuntzan irakurmena funtsezko trebakuntzen artean kokatzen da. Hori horrela, aplikagarria den legedian ezartzen dena urratu gabe, Oinarrizko Hezkuntzan, Lehen Hezkuntzan bereziki, helburua da “egokiro garatzea ikasleen entzumena eta mintzamena, irakurmena, idazmenaren berezko trebetasunak, kalkulua, kulturaren garrantzia eta oinarrizko nozioak; eta, haiekin batera, zentzu artistikoa, elkarbizitzaren oinarrizko jarraibideak, sormena eta afektibitatea ere sustatzea, haurraren oreka emozionala bermatzeko eta haren nortasuna osorik garatzen laguntzeko”. Ikasleek bizitzan zehar izango dituzten erronkei arrakastaz aurre egiteko eta irteera-profilaren mesedetan, irakurtzeko konpetentzia curriculumeko arlo guztien zeharkako ardatza da, eta ikasgai guztiak ikasteko ezinbesteko tresna kontsideratzen da. Esandako guztiak, ezinbestean, Irakurketa Estrategia egungo testuinguruan kokatzea eskatzen du. Hori guztia dela eta, euskal curriculuma erreferente hartuta 2024-2027 epealdirako Euskal Hezkuntza Sistemarako Irakurketa Estrategia hezkuntza komunitate osoaren eskura jartzen da.