Garapen iraunkorrerako literaturaren gida (7-18 helburuak) [Interneteko baliabidea] / egileak, Maite Aperribay-Bermejo ... [et al.]

Gida hau 2021ean argitaratutako Garapen Iraunkorrerako Literaturaren Gida (1-6 helburuak) lanaren jarraipena da; hain zuzen ere, honako honek aurrekoan bildu ez ziren Garapen Iraunkorrerako Helburuetarako (GIH) liburuak biltzea du helburu. Aurreko gidak bezala, honek ere bi helburu nagusi ditu: batetik, Haur eta Gazte Literaturaren (HGL) erabilera sustatzea GIHak lantzeko eta, bestetik, bitartekariei tresnak eskaintzea literatura-lan egokiak hautatzeko eta baliatzeko. Horiek horrela, balore sozialak eta balore literarioak jarri dira erdigunean. Gida honen bost egileak irakasleak dira UPV/EHUn, Hezkuntza Fakultateetan, zehazki, Hizkuntzaren eta Literaturaren Didaktika Sailean.