Pikler-Lóczy hezkuntzaren gakoak : haren sortzaileak idatzitako 20 artikuluren bilduma / Elena Herrán (arg.) ; [itzultzailea, Maramara taldea ; hizkuntza-begiralea, Iñigo Roque, EHUko Euskara Zerbitzua ; begirale teknikoa, Elena Herrán (EHU) ; marrazkiak, Klára Pap ; argazkiak, Marian Reisman]

Urte batzuetatik hona gure inguruan interes zintzo bat piztu da Pikler-Lóczy hezkuntza ezagutzeko. Litekeena da neurri batean moda-kontu bat izatea, edo, besterik gabe, interes horrek azaleratu lezake berezko izaera duen hezkuntza goiztiarrerako eredu baten beharra. Emmi Pikler-ek, Lóczy kaleko umezurtz-etxeko lantaldearekin batera, lehen haurtzaroko garapenari eta ongizateari lehentasuna eman zien, lehenbizi familia-giroan eta gero erakunde-giroan, haurrari behatuz eta harentzako hazkuntza-baldintza onenak sustatuz. Horren emaitza hezkuntza-proposamen landu eta zehatz bat da, xehe-xehea, liburu honek gaingiroki deskribatzen duena. Haurtxoak eta haur txikiak hezteko, eta haiekin egoteko, modu horrek hankaz gora jartzen du ordura arteko ohiko haur-hezkuntza, batik bat lehen zikloa. Haurtzaroaren kultura bestelako bat dakar, egunerokoaren ahalmen hezitzaileari atarramentu osoa ateratzen diona; hura ulertzeko eta aplikatzeko, ordea, kontzientzia sakonki eraldatu beharra dago.