Ikusgela [Bideoa] : zer da BEZa? / proiektuaren koordinazioa, Euskal Wikilarien Kultura Elkartea ; ikus-entzunezkoen arduraduna, Hiru Damatxo ekoiztetxea ; aktorea, Alazne Astorga ; gidoia, Lander Arretxea ; edizioa, Peru Isasi ; eduki aholkulariak, Laneki elkartea, Don Bosco LHII eta Zubiri-Manteo BHI

Zer da Balio Erantsiaren gaineko Zerga? Nolakoak dira zeharkako zergak? Produktu guztiek BEZ bera dute? Zer da BEZaren likidazioa? Alazne Astorgak hori guztia eta gehiago azalduko digu. Euskal Wikilarien Kultura Elkarteak (EWKE) "Ikusgela" proiektua sortu eta abiatu du: euskarazko ikus-entzunezko pedagogiko libreen ataria izango da Ikusgela.eus, eta bertarako sortutako bideo pedagogikoak, euskaraz eta libreak, Wikipediaren parte ere bilakatuko dira. Sarean euskararen presentzia areagotzeko eta euskarazko Wikipedia osatzeko helburua du. Filosofia, ekonomia, historia, matematika eta beste hainbat arlori lotutako bideo pedagogikoak zabalduko ditu Ikusgela proiektuak, euskaraz eta modu askean partekatzeko. Jakintza "narratiba berrietara" egokitzea helburu, Euskal Wikilarien Kultura Elkarteak koordinatzen du proiektua eta Hiru Damatxo arduratzen da ikus-entzunezkoez. Ikasleei zuzendutako edukiak dira, baina baita jorratutako gaietan interesa duen orori zuzenduak ere. Eremu formaletatik harago, "eremu informalean euskarazko edukiak ikustera" ere ohitu nahi dute jendea.