Adur : Euskal Erdi Aro mitologikoan girotutako rol jokoa / [jokoaren sortzaile eta idazlea] Eneko Azedo ; disenua eta marrazkiak, Imanol Etxeberria ; edizioa, Eneko Sánchez Navaridas

Adur istorioak asmatzeko rol jokoa da, eta Euskal Erdi Aro mitologikoan girotuta dago. Bertan Nafarroako Erresuma, basajaunak, lamiak, Mari, eta beste hainbat izaki miresgarri agertzen dira. Istorioaren barruan jokalari bakoitzak pertsonaia bat irudikatuko du eta horregatik jolasteko modu honi rol jokoa esaten zaio. Istorioak asmatzeko joko honek arau errazak ditu, edozein adineko jokalariek jolastu dezakete eta bai rolean adituak bai hasiberriak direnentzat egokia da. Jokoa taldean jolasten da, 3-6 lagunen artean. Jokalari batek Gidariaren lana egingo du, eta besteek asmatutako pertsonaiak irudikatuko dituzte. Jokoaren edukiak liburu batean datoz, koloreduna dena, marrazkiduna eta A4 tamainakoa, tapa gogorrekin. Liburuarekin batera metalezko bost txanpon berezi jasoko dituzu, jolasteko beharrezkoak direnak. ADUR rol jokoak euskal kultura sustatzea du helburu. Euskaraz jolastuz eta hitz eginez istorioak asmatzean datza, eta jokoan Euskal Historia, mitologia eta kondairak era dibertigarrian jorratzen dira. Zeintzuk dira liburuaren edukiak? Liburuak hiru atal ditu: Jokalariaren Liburua, Gidariaren Liburua eta Adur Txangoak. 1. Atala: Jokalariaren Liburua Jokalariak atal honetan jolasteko behar dituen gauza guztiak aurkituko ditu: jokoaren arauak, pertsonaiak sortzeko jarraibideak, pertsonaientzako baliabideak, armak, sorginkeriak eta baita bakarka jolasteko Adur txango bat ere! 2. Atala: Gidariaren Liburua Atal honetan jokoa gidatuko duen jokalariak, hau da Gidariak, baliab...

Deskribapen osoa