Euskal herriaren historia (II) / Luis Baraiazarra ; azala eta marrazkiak, Jose Maria Legorburu

Bi liburutan, erraz eta labur, eman nahi izan dizugu Euskal Historiaren ahotsa. Lehen partea 1521. urtera arte iristen zen. Bigarren honetan, berriz, oraintsuagoko gertaerak aurkituko dituzu. Azkenengoak, ia-ia atzokoak. Gainbegiratu batez euskal bizitzaren lekukotasuna eskaintzen zaizu. Euskal Herriaren ezagupide bat, ikuspegi bat. Urratsez-urrats, herrialde eta garai bakoitzeko merkatalgoa, ekonomia, gizarte moldea, kultur erakundeak eta politika egitura ezagutuko dituzu. Baita bere Foru eta askatasunari eusteagatik jasan behar izan dituen gerrateak ere. Gure izatearen sustraietara eta herri maitasunera itzultzeko txingar gori bat izan bekizu.