Beirazko giltzak / Jaume Fuster ; [itzultzailea, Joxe Austin Arrieta]

Literaturak beti izan du jolasetik zerbait ; are gehiago literatura poliziakoak, intrigak sortzen duen jakin mina kilikagarria izaten baita irakurlearentzat. Liburu hau, berriz, joko eta dibertimendua da goitik behera, irakurleari parte hartzeko eta barruan sartzeko proposatzen diona, istorioetako gakoa berak asma dezan. Beirazko giltzak ipuin-bilduma osatzen duten hamazazpi kontakizunetan barrena, era guztietako jende eta giroak ezagutuko ditugu Lluis Arquer detektibearen eskutik : Bartzelonako putetxeak, drogazaleak, politikoak, langile eta ugazabak, akademikoak, rockeroak, fraideak, senar-emazteak... Denetan izango da misterioren bat : dela hilketa, dela lapurreta, desagertze edo bahiketa... Eta denetan, Jaume Fuster idazleak pistaren bat edo beste eskainiko digu narrazioan zehar barreiatuta, irakurle ohartuak erreparatu eta antzeman diezaion "giltza" horri ; asmatzen ez baduzu ere, zaude lasai, liburu amaieran topatuko baituzu kasu bakoitzaren argibidea.