Bide luzea Santa Fe-ra / gidoia, Gregorio Muro Harriet ; marrazkia, Iván Gil ; kolorea, Garluk Aguirre ; [itzulpena, Miel A. Elustondo ; moldaketa grafikoak, Mikel Muro]

Mugako dragoiak western bat da, generoaren kodeak errespetatuz, arnasa eta ikuspegi berri bat ematen diona, eta Amerikako medebaldeko eszenatoki mitikoetara itzultzen gaituena. 1779. Juan Bautista de Anza, Juan Bautista de Anzaren (zaharra) semea, Gipuzkoako Hernani herrian jaioa, Mexiko Berriko gobernadore izendatu zuten. Lurraldearen egoera jasanezina da. Urte batzuetako lehorteari komantxeen erasoaldi krudel eta etengabeak gehitu behar zaizkio. Juan Bautista de Anzak egoerari aurre egin behar dio, Hopiak bezalako herri indiar batzuk janariz lagunduz, heriotzaren atarian zeudenak; 150 larruzko dragoi eta 450 miliziano novo-hispaniarrekin eta indioekin komantxerian sartzen da, komantxeen buruzagi belikosoari aurre egiteko; Tavivo Narigant, "Cuerno Verde".