Bizitzak erdigunean : Ataungo zaintzaileen genealogia feminista (1950-2020) / Jone Arrazola Maiztegi, Miren Aranguren Etxarte [Emagin elkartea)

Ataungo zaintzaileen sarearen gaia arakatu da argitalpen honetan. Haien lana eta topaguneak aitortu eta egungo zaintzaren krisiaren eztabaida plazaratzeko helburuarekin. Jone Arrazola Maiztegik eta Miren Aranguren Etxartek jaso ez ezik, jasotako hori erpin askotatik aztertu eta dagokion testuinguruan kokatu dute azterlan honetan. Lan zaila, gogorra, nahitaezkoa bezain gutxietsia izan da -eta da oraindik ere-zaintza. Gutxietsia eta gutxi ikertua. Lan hau gogoetarako eta norbera non dagoen pentsatzen hasteko abiapuntu egokia izan daiteke, zalantzarik gabe, nondik gatozen eta non gauden jakitea ezinbestekoa baita nora eta nola joan nahi dugun erabakitzeko.