Agur sagar beltzeran / Bertsolari Liburuak

Bertso sorta baten izena zen "Agur, sagar beltzeran" liburu osoaren izenburu bilakatu da. Bertan egilearen bertso sorta eta bertso solte ineditoak batzen dira, gehi koplak eta zenbait kanta hitz, gehi egileak sortutako doinuen zerrenda bat. Bertso sorta batzuk egileak beren-beregi hautatu eta garaturiko gaiak dira, beste batzuk enkarguzkoak, gertaera sozial edo politiko bati buruzkoak, eta ez gutxi izen bati, gehienetan hila, eskainitako edo eskatutako ahapaldi bat edo batzuk. Bertsoez gainera, sorta edo izenburu bakoitzak bere estetika, bere estiloa, bere sentimenduak azaltzen dituen eta, delako poema egitean, zer baliabide erabili zuen edo erabiltzen saiatu zen. Zenbaitentzat, bertsoak eurak bazain interesgarri dirateke bertsolariak haien inguruan egiten dituen gogoeta tematikoak eta teknikoak. Biziaro eta, oro har, Euskal Herriaren aro trinko baten lekukotza indartsua aurkituko duzu liburu honetan.