Orixe Ikastola 1969-2019 : denok itsasontzi berean / [testu eta argazkiak, egile bakoitzarenak ; Iñigo Cerdán, maketazioa eta ilustrazioak]

Esku artean duzun liburu hau maitasun handiz egindako liburua da. Gu guztiona den Orixe Ikastolak 50 urte bete dituela eta, atzera begirako aitzakia egokia iruditu zaigu; atzera begiratu eta aurrera egiteko abaila hartzeko modua. Ez da historia liburua, baina bai, handik edo hemendik, lehenago edo geroago, luzeago edo laburrago, ikastolarekin harremana eta zerikusia izan duten norbanako eta lagun askoren bizipen, oroitzapen eta istorioen bilduma. Era batera zein bestera, Orixe Ikastolarekin harremana baduzu edo garai batean izan baduzu, gustuz irakurriko duzu. Hala izan dadin saiatu gara, behintzat, guztion artean ilusioz eta goxotasunez.