Begi kolpea : Teodoro Hernandorenaren biografia / [Xabier Lasa Bergara]

Teodoro Hernandorena, euskalgintzako eta aberrigintzako langile porrokatu, nekaezinaren biografia duzu hau. Bere egitasmoek eta lorpenek eskatzen zuten bezain luzea beharbada. Non eta ote zituen jarri eginahalak, baina, Hernandorenak, 36ko gerra aurrean nahiz ondorenean? Abertzaletasun politikoan, bertsolaritzan, zinegintzan, euskarazko irratigintza zein prentsan, euskal kirolen aldeko federazioetan, laxo eta errebotearen euskal jokoetan... Historiak aski ezkutuan eduki duen gizon erakargarria dugu Hernandorena, inondik ere; suhartsua, ausarta, langilea, intuitiboa, irismen luzeko begiratuaren jabea, jende mugiarazle eta antolatzailea... XX. mendeko euskal herrigintzan, gutxi kasta bereko eragileak.