Bizimundua / Itziar Uriarte Crespo ; [marrazkiak, Arantxa Vinardell Vázquez]

Eskuartean daukazuna ez da liburu soil bat, pertsona gor zein itsuak ere kontuan hartzen dituen proiektu inklusiboa baizik. "Bizimundua"ren orrietan sei ipuin aurkituko dituzu munduan barrena gertatutako sei istorio. Zenbaitek tristetuko zaituzte, beste batzuk barnean husten lagunduko dizute eta, beharbada maitasun, nahi, indar, gogo eta irrikaz jasoko duzu pasarteren bat. Dena delakoa ere, "Bizimundua"k ez zaitu epel utziko. Izan ere, mundua hankaz gora jartzen duen salaketa lurrikara izan nahi du liburu honek. Ezagutu itzazu Joandu, Thu, Pittin eta Aisha, besteak beste. Eta har ezazu India, Maroko, Kenia, Peru eta Vietnamera bidaiatzeko motxila bizkarrean. Prest zaude? Aurrera! Esku artean duzuen lan hau Batera. kultur proiektuak elkarrekin deialdian aukeratua izan zen, eta erakunde hauen ezinbesteko laguntza izan du: Oihaneder Euskararen Etxea, Gasteizko Udala, Laboral Kutxa eta Vital Fundazioa. Liburu honetako ipuinak zein hizkuntzaz disfrutatzeko bideoak eta braille lerroa erabilita irakurtzeko aukera ere badago.